Ngā Aratohu Tono 2025

Pāpono Mākete Toi

Ka tū katoa ngā rā e toru o te Toi Mākete 2025 i Tāmaki Makaurau mai i te Rāapa 5 - Rāmere 7 Poutūterangi.

Ka whakaata ā-tangatatia ngā hauoro, ngā mātakitakinga me ngā whakaaturanga whakawhanaketanga haere noa ngā rā e toru. Tāpiri hoki ngā kōwhiringa mō ngā hui kanohi ki te kanohi, tūhononga ā-rōpū i te taha o ngā ringatoi, ngā tumu whakaputa, ngā kaikawe kōrero me ngā kaiārahi ahumahi puta noa i te rāngai toi whakaari.

Ko tā mātou tūtohu kia whakawātea i a koe mō te roanga o te wiki i te mea he tino pai te Rāhina me te Rātū mō ngā hui tāpiri me ngā arawātea hui kōtui ki Tāmaki i mua i te whakatuwheratanga o te PANNZ Arts Market ōkawa. Ka whakapā atu mātou ki a koe ki te puta mai ana he taiopenga anō e maheretia ana.

Ka whakatuwherahia Te Ahurei Toi o Tāmaki i te wiki ōrite o te Mākete Toi, nō reira, me whakaaro pea koe ki te noho tonu mai ki te tāone nui ki te whai huanga ki ngā mea katoa e whakaratohia ana.

Toi Mākete Atamira Matihiko

Kei te haere tonu tā mātou mahi tahi me Arts Front ki te whakahaere i ngā tono ringatoi me ngā rēhitatanga māngai mā te Pūhara Matihiko.

Ka waihanga whakaritenga katoa ngā ringatoi hauoro me te mātakitakinga i ā rātou mahi i runga i te atamira me ngā whakapaipai rārangi take katoa (hui mai hoki ngā kōwhiringa mō te tango whakaahua, ngā tiro tanga, me ngā ataata mahi). Ka whaiwāhi ētahi atu o ngā tarikete ki te hanga whakaritenga me ngā taipitopito o ā rātou mahi, ngā whakaritenga auaha rānei.

Tēnā koa titiro: He mea whai tikanga kia whiwhi koe ki te mana o ngā puoro, ngā rekoata me ngā rawa e hiahia ana koe ki te whakamahi, ka noho nei i runga i te atamira. mō ētahi atu anō taipitopito tirohia ngā herenga me ngā heipūtanga.

Ngā Utu Rēhita Mākete Toi PANNZ 2025

Mō te tau 2025, ki te rēhita koe ki te haramai ki te Mākete ka ea i te utu te toru rā.

Kāore e whakaitia te utu mehemea ka haere mai koe mō tētahi wāhanga noa iho o te pāpono toru rā.

Ki te kore te Mākete Toi e tīmata, kāore tonu e whakahokia atu ō moni, nā te mea ka whakahaeretia e mātou te kaupapa ā tōna wā.

He kupu tohutohu e kī ana me rēhita me tae ā-tinana ngā ringatoi hauoro, mātakitaki hoki ki ngā rā e toru o te mākete kia taea ai te hono atu ki te ahumahi, ki te whakatuara hoki i ā rātou mahi. Ko ngā ringatoi e kaha nei ki te whakauru i a rātou te hunga ka whakahaeretia te nuinga o ā rātou mahi e ngā kaikōrero mai i Aotearoa puta noa ki te ao.

Ka whaiwāhi aunoa ngā ringatoi hauoro, mātaktaki i eke panuku ki te Atamira Matihiko Mākete Toi ahakoa i rēhita, kāore rānei i rēhita ki te hāere ā-kanohi mai ki te Mākete.

TOMONGA Ā-TANGATA KI TE MĀKETE: NZ$745 + TĀKE HOKOHOKO

Ka whakarato āheinga tēnei ki ngā rā e toru katoa ki te PANNZ Arts Market, waihoki, ka whakarato āheinga ki te pūhara matihiko mō te 12 marama.

Ngā ringatoi takitahi me ngā kaiwhakaputa

Tohua tēnei pouaka ki te tono i te pūtea āwhea NZ$550 mō te tapeke utu rēhita NZ$195 + TĀKE HOKOHOKO

(Māraurautanga: Ko ngā ringatoi takitahi me ngā kaiwhakaputa kāore e whiwhi mahi, e kirimanatia rānei e ngā kamupene e whiwhi Haumi Pūtea ana i Toi Aotearoa i raro i ngā hōtaka o Toi Tōtara Haemata me Toi Uru Kahikatea.)

Tēnā koa titiro: Mehemea he tauārai te utu whakapā ki a info@pannz.org.nz

• Tono Kotahi-Miniti
• Tono Rima-Miniti
• Whakaaturanga Wheako

Ka taea e koe ki te tīpako kotahi nuku atu rānei o ngā āheinga whakaaturanga mō ō mahi. Heoi anō me titiro koe ki ngā aratohu kōwhiringa whakaaturanga ā PANNZ ki te whakapūaho ko tēhea te āheinga e hāngai ana ki te whanaketanga o āu mahi.

Whakaaturanga Whāroa

Ka mahi tahi anō mātou me Te Reo Reka o Aotearoa . Mā rātou te whakaaturanga waiata e ruruku. Waihoki ka mahi tahi anō hoki mātou me Te Ahurei Toi o Tāmaki mō ngā mahi whāroa ka whakaurua ki te hōtaka taiopenga.

I tua atu i ēnei whakaaturanga ka āhei i a koe te tohu i tō puka tono Eol mehemea e hiahia ana koe ki te whiriwhiri i ngā arawātea whakaaturanga whāroa mō tō mahi.

Tēnā koa tirohia mai:

• Mehemea e tono ana koe ki te hauoro/te whakaatu i ngā mahi taurea, he whaitake kia whakaritea e koe he tono mō ia mahi.
• Me whakarato anō te īmēra kua whakaritea mō ngā tono o mua atu, mā tēnei e whakatūturu kia honoa e mātou ēnei mahi ki tō Atamira Matihiko Mākete Toi.
• Mehemea i whakaari koe i te Mākete Toi PANNZ 2024 ka mutu kua oti kē he kōtaha mōu i runga i te Atamira Matihiko Mākete Toi tēnā koa whakamahia te īmēra i whakamahia ai e koe i ngā wā ki muri. (Mā tēnei e taea ai e mātou ki te neke mai i tō kōtaha mai i te tau 2024)
• Ko te tangata e tono ana mō te āheinga hauoro/mātakitakinga te tino tangata e tika ana hei whakapā atu mō ngā mahi.
• Ngā kōtaha kua waihangatia i runga i te Atamira Matihiko MāketeToi e noho ana mā ngā tāngata takitahi anake, kāore mā ngā tangata mahitahi taurea me ngā rōpū.
• Ka tuwhera ngā rēhita, kua āhei koe ki te hono atu ki ētahi atu tāngata mahitahi taurea ki ngā mahi.
• Tāpiri ki to hauoro/mātakitakinga, ka whaiwāhi koe ki te whakaari ataata roa tonu, ka wātea ki te tirohanga kanohi i runga i te atamira. Mā te paewhiri PANNZ ēnei e whakarite, ka mutu e wātea ana ki ngā tarikete ki te mātaki i runga i te tono, e haumarutia ana hoki e te kupu muna. Mā mātou koe e whakamōhio atu mehemea he tono ki te mātaki i ō mahi ka tukuna mai.

Aratohu Kōwhiringa Wahaaturanga PANNZ

Tono Kotahi-Miniti

Ka taea enei:

• He huatau
• Kei te whakawhanake tonu
• Kua rite ki te whakarewa
• Kua rite ki te haerere. (ngā mahi kua whakarewatia)

He ataata whakapūketetia ia Tono Kotahi Miniti, ka mutu kaua e roa atu i te kotahi miniti. Ko te tikanga me whakamahi hei whakamāpura aronga ki tētahi huatau, ki tētahi hauoro, ki tētahi mahi e whakawhanaketia ana, he mahi rānei kua rite kia whakaatuhia.

Ka tīwhiritia ngā Tono Kotahi Miniti i te wā o te Mākete toru rā. Ka whakaritea ēnei i raro i te ngākau pai o PANNZ.

Ki te kore ngā ringatoi me ngā kaihautū e tohua ki te whakahaere Tono Rima Miniti, he Whakaaturanga Whāroa, he Whakaaturanga Whakawhanaketanga rānei, tērā pea ka tonoa atu rātou ki te whakahaere Tono Kotahi Miniti.

Me tuku mai ngā Ataata Tono Rāhina 27 Maramatahi

Tērā pea kāore e whakaurua ki te Mākete ngā ataata roa atu i te kotahi miniti.

Tono Rima-Miniti

Ka taea enei:

• Kei te whakawhanake tonu
• Kua rite ki te whakarewa
• Kua rite ki te haerere. (ngā mahi kua whakarewatia)

Ka mahia ā-tinana ngā Tono Rima Miniti i runga i te atamira.

He rima miniti te mōrahi o ia hauoro, ka mutu ka taea ki te whakauru, ki te whakamahi rārangi take kua rekoata kētia i runga i te atamira i te wā o te hauoro.

Me tuku mai ngā Ataata Tono Rāhina 27 Maramatahi.

Whakaaturanga Wheako

Ka taea enei:

• Kei te whakawhanake tonu
• Kua rite ki te whakarewa
• Kua rite ki te haerere. (ngā mahi kua whakarewatia)

Ngā Whakaaturanga Wheako ka whakakaupapatia ia ata e haere ana te Mākete Toi.

Ka pōwhiritia ngā Ringatoi/Kaiwhakaputa ki ngā whakaari whakamātau, ki ngā pānui, ki ngā whakaharatau, ki ētahi atu momo whakaaturanga whakamātau, ki ētahi whakaaturanga whai wāhi rānei o tētahi mahi.

Ka whakahaerehia pea ēnei wāhanga ki tētahi pae e whakaritea ana e PANNZ. Ko ētahi tauira o ngā pae i whakamahia e mātou i te tau 2024 ko te Town Hall Supper Room, ko Vault ki te Q Theatre me Basement Theatre, ko tōna korahi ko te 60 tāngata. Ko te whakaaro ka waiwai noa ngā Whakaaturanga Wheako kia iti noa ngā matea ā-hangarau, ā-pae anō hoki.

Ko te whakaaro me riro anō mā ngā ringatoi/kaihautū e utu ā rātou whakapaunga moni whakaaturanga, haunga te hinonga mehemea ko PANNZ kei te whakarato.

Kaua e roa atu i te kotahi hāora ngā mahinga. Ka pā ana hoki tēnei ki te wā whakatakinga, ngā kōrerorero me ngā pātaitai i mua, i muri o te mahi.

Ngā Rā Matua

Tukanga Tono

Ngā Ture me ngā Heipūtanga

• Ki te hoatu he tūnga mōu i te Mākete Toi PANNZ 2025 me pūmau koe ki ngā tohutohu me ngā rā kati, tae rāno ki te haina me te whakahoki atu I te MoU i tukuna atu ki a koe hei wāhanga o te tāpae a PANNZ ki a koe.
• Me matua whiwhi koe i ngā mōtika ki te whakamahi i ngā rārangi take e pupuritia ana i runga i te atamira, e whakamahia ā-mataora ana.
  
  Ko koe tonu hei tiki i ō mōtika, ki te kore e taea e koe ngā mōtika ko koe tonu ka tuwhera kia hāmenetia.
  
  Kei te kawau māro a PANNZ ki te whakahaumaru i ngā whiwhinga ā ngā ringtoi katoa, hui mai hoki te whakaaro o te hunga e mahi ana mātou i te taha, kia mārama rātou ki ō rātou herenga ki te utu tiringa, ki te whakaū hoki i ngā mōtika rārangi take i waihangatia e ētahi atu.
  
  Me whakapā koe ki a APRA: events@apra.co.nz mō ngā mōtika puoro me ngā mōtika rekoata.
  Ngā Puoro Rekoata NZ: info@recordedmusic.co.nz

Ngā Whakaaetanga

I ā koe ka tuku i tō tono, ka whakae koe kia wātea ō pārongo ki ngā taraketi mā te toro atu ki te Atamira Matihiko a Mākete Toi PANNZ.

Ka whakae anō hoki koe arā ngā pāpāho ka whakaputuhia e koe, ka taea ki te rekoata, ki te toha i runga i te atamira i te wā tonu me te mutunga o te Mākete Toi PANNZ 2025, haere tonu hoki me ētahi atu pāpono e whaiwāhi atu ana koe (hei tauira anō,ngā mahi mataora, ā-tuihono me te Zoom hoki.) e whakahaeretia ana hoki i te roanga atu o te MāketeToi PANNZ ā, e whiwhi ana koe i ngā whakaaetanga me ngā mōtika e mau ana ki roto i tō rārangi take.

Koi nei te take o te hāpai i te mahi mō ngā āheinga whakaaturanga, ā, ka wātea hoki ki ngā tarikete kua rēhitatia mō Mākete Toi PANNZ 2025 tērā anō hoki te wātea i runga i te atamira mō te kotahi tau

Tēnā koa tirohia mai: Kei i ō pārongo me ō pāpāho e wātea ana i te wā e haere ana tae noa ki te mutunga o te mākete ka āhei koe ki te uru atu ki te Atamira Matihiko Mākete Toi PANNZ ahakoa te wā ki te whakatika, ki te whakahou, ki te whakakore i tō whakaritenga me ētahi atu pārongo kua whakaratotia e koe.

Ngā Kupu Whakatau

• Ka whakatauria me whakauru koe ki ngā hui tuihono/Zoom ka whakakitea, kia mōhio ai koe ki ngā whakahaerenga i te wā o te tukanga.
• E tohua kaha ana ngā ringatoi me ngā kaihautū katoa e hauoro ana, e whakaatu ana i te wā o te MāketeToi kia tae mō ngā rā e toru o te pāpono ki te tūtaki, ki te whakawhanaunga i te taha o ngā Kaikawe Kōrero.
• E tohutohu ana mātou i a koe kia hōhonu tonu ō taipitopito i roto i tō tono hauoro/mātakitakinga hoki. Mā tēnei e whakatūturu te paewhiri kaitiaki kia āta mārama ki ō mahi me te hononga ki te raraunga e tono ana koe. He hokinga whakamuri, ki ngā tono i oti katoa ngā pārongo ki te whakatakoto i whaihua. He taumahatanga ka pā ki tō tono mehemea kāore i tuhia ētahi o ngā pārongo (Mehemea he pātai kāore e hāngai ana e kore rānei koe e mātau ana, tēnā koa whakautua mai mā te tuhi N/A)

Ngā pārongo ka āhei koe ki te whakauru ki runga i te Atamira Matihiko Mākete Toi.

Kāore pea i a koe ngā mea/ngā rawa/ngā pārongo i raro ake nei, e pā ana ki te heipūtanga o te āheinga e tono ana koe, kei te pai tērā. Mō ngā Whakaaturanga Whāroa me ngā hauoro kua rite ki te tāpoi, he whakaaro e takoto ana kei i a koe ngā pārongo katoa (te nuinga rānei) e rārangi ana i raro iho nei.

Ngā Pārongo Whakapā

Ko tēnei wahanga hei whakamōhio i ngā kaikawe korero me ngā tarikete kowai te tangata tika ki te whakapā atu e pā ana ki te whakaaturanga.

Tēnā koa whakaingoatia mai ngā kamupene/rōpū whakahaere e hāpai ana i te whakaari me te whakatuaratanga e hiahiatia ana.

Mehemea ka hiahia koe ki te whakarerekē i tēnei pārongo, he pai tērā mutu kau ana te hanga i tō whakaritenga ki runga i te Atamira Matihiko Māket Toi.

Titiro: Kāore e whakamōhiotia tō nama waea ki te marea, ko te rōpū anake o PANNZ ka mōhio, kia taea ai e mātou te waea atu ki a koe mehemea e hiahia ana mātou. Kāore e whākina atu ki ngā tarikete.

Pārongo Whānui

Koi nei ngā pārongo matua e whakakī ana i tō whakaritenga.
Whakaurua mai he haurongo poto o tō kamupene, rōpū whakahaere rānei, te ingoa o tō whakaaturanga, te momo toi e whakatinana ana i ō mahi (whakaurua mai hoki i ngā whakaraupapa whakawhiti), he tuhinga whakarāpopoto e pā ana ki te whakaaturanga (whakaurua mai hoki te wā, me ngā tohutohu e pā ana ki te kaupapa), me te rōpū auaha e whaiwāhi atu ana.

Ngā Pārongo Haerere Kua Rite

Mehemea kua rite tō whakaaturanga kia haria ki te motu (ngā mahi kua whakaatu kētia), tēnā koa whakamōhiotia mai tokohia ngā tāngata kei roto i te rōpū haerere.

Mā tēnei e āwhina ngā kaikawe korero ki te tere mōhio ki te utu haerere, wāhi noho me ērā atu utu, kia hāngai ki ngā pūtea me ngā hōtaka.

He mea whaitikanga kia tika tonu ēnei pārongo.

He Kaupeka Atu Anō

Mehemea i whakamahia atu anō tō whakaaturanga i mua, tēnā rārangitia mai. Mā tēnei e āwhina ki te hāpai i ngā mahi ki ngā kaikawe korero.

Pārongo Mākete

Ko tēnei rārangi take kei te whakarato pārongo kia pai ai te mākete a te kaikawe korero i te whakaaturanga.

Mātātuhi Tuahangata: Ka whakamahia he mātātuhi tuahangata hei mākete, hei kāhiti i te mahi. Ko te mātātuhi matua e whakamahia ana i tō taituarā mākete ki te hono i ngā kaimātakitaki ki tō whakaaturanga. Tēnā koa tukuatutia mai he konae teitei 5MB te rarahi.

Ngā Whakaahua Whakaaturanga: He pai ngā whakaahua whakaaturanga mai i ngā tau o mua, mai i ngā whakaharatau whakawhanaketanga rānei. Ka pai anō ētahi atu mātātuhi mākete i tua atu o te mātātuhi tuahangata, e kōrero ana mō tō whakaaturanga. Tēnā koa tukuatutia mai kia whā ngā mātātuhi 4 high res hei kōnae wehenga piki atu i te 5MB te rarahi.

Tohutoro Arotake: Tangoa mai ngā tohutoro o mua mai i ngā arotake o ngā whakahoki kōrero mai a ngā kaimātakitaki, ngā hono rānei ki ngā arotake matua.

Waitohu Rōpū Whakahaere/Kamupene: Ngā waitohu kamupene, rōpū whakahaere rānei e whaiwāhi ana ki te whakaaturanga mehemea kei i a koe. tēnā koa tukuatutia mai 4 high res ngā mātātuhi hei kōnae wehenga piki atu ki 5MB te rarahi.

Ngā Hononga Ataata: Tēnā koa hono atu ki tētahi rourou, wāhanga poto, he whakaaturanga whāroa o te whakaari. Ka whakaae noa iho mātou ki ngā hononga You Tube me Vimeo mō ngā rourou me ngā wāhanga poto kāore i te whakahaumarutia e te kupu muna. Tēnā koa homai he kupu muna hei toro atu ki ngā rekoata whakaaturanga whāroa noa iho.

Wāhanga Hangarau

Mehemea he wāhanga hangarau tāu iāia tonu nei tēnā koa tukuatutia mai ā-konae.

Ko tēnei hei āwhina i ngā kaikawe korero me ō rātou rōpū ki te tere whakatau te rahi o tō whakaaturanga, he aha e hiahiatia ana ki te whakaari i tō whakaaturanga ki tētahi hinonga, mehemea ka uru ki taua hinonga, hōtaka me te pūtea. He mea whaitikanga kia tika tonu ngā pārongo ka homaia.

Ki te kore ō wāhanga hangarau, he whakaaro nui ki te whakarato kia nui tonu ngā pārongo e pā ana ki te whakaaturanga, ka whakamōhio ai he nui atu anō ngā hōkaitanga ki te whakatutuki i te wāhanga hangarau.

Mō ngā mahi hou kāore anō kia eke ki te atamira, he whakaaro nui ki te homai kia rahi tonu ngā pārongo e pā ana ki te whakaaturanga, e mōhio ana e tohutohu mai ana koe kei te hōrapa tonu kia tutuki ai te wāhanga hangarau.

Mō ngā mahi hou kāore anō kia eke ki te atamira, kāore tēnei e āhei., nō reira ko te nui o ngā pārongo e homaia ana e koe arā, he pēhea te āhua o te mahi te āhuatanga whaihua ki ngā kaikawe korero.

Ngā Paearu Māraurau a Mākete Toi PANNZ

Me taea e ngā kaitono ngā paearu e whai ake nei kia whakaarotia ai mō te hauoro me te mātakitakinga Mākete Toi PANNZ:

• He whakaaturanga nō Aotearoa i whakaputaina i Aotearoa.
• Me matua piri ki ngā wā kati kirimana mō ngā rauemi me ngā mahere hangarau i te wā e hiahiatia ana.

* Tirohia: He pai mehemea he urutaunga ngā whakaaturanga o Aotearoa nō ērā o tāwāhi engari me matua whakaputaina i Aotearoa e tētahi kamupene nō Aotearoa, e whakamahi ana i ngā ringatoi o Aotearoa.

Ngā Aratohu Aromatawai

• He kounga tiketike ngā whakaaturanga
• He tōtika, he taea ngā tautuhi hangarau
• He mōhiotia te Kaihautū, te rōpū whakahaere rānei mō te whakahaere hauoro, mātakitakinga angitū i ngā whakaari haerere.
• Ka whai mariu ngā whakaaturanga kāore anō kia hauorotia, kia mātakitakitia rānei, i tua atu ina koa i ngā kōrero e whai ake nei:
• Ngā whakaaturanga kua hauoro kētia, kua whakaatu tuatahi kētia, e pai ana kia mātakitakitia kia whaiwāhi ai ki ngā āheinga ā-ao.
• Ko te taituarā mākete (Ka pakari kē atu tō tono mehemea ka pai ō kirituhi mākete me ō rārangi take).
• He wāriu kei roto i te whakaari i tēnei whakaaturanga i Aotearoa nei i tāwāhi rānei nā te mea: he ahurea ahurei, he momo whakaehu, ngā pūrākau whaitikanga o Aotearoa, whakaaturanga auaha, mātauranga whaipainga, koi nei noa iho te āheinga.
• E whakaari ana te whakaaturanga i te āhuatanga e hiahia ai ngā kaikawe korero o Aotearoa, o tāwāhi rānei.